有时，我真系好想问下个天，我究竟仲有无勇气一个人行落去，点解到依家我个心仲会隐隐作痛？   要忘记一个人真系好难！每次当我见到距上q既时候，我都会叫自己离开部电脑，尽量唔好谂起距！但我觉得其实我个心系系度滴血既......好痛！！！

    分开已经四个月了，但我依然无勇气见距！我惊我更加忘记唔到距！我唔敢对住距，唔敢面对距俾翻d野距......我觉得自己变得坚强左，尝试去独自面对好多野，但系距......莫非距真系要成为我心里面永远的痛？？？  

    我博命叫自己唔好谂，但好似个心唔受控制甘，而我都觉得自己无勇气去面对一段新既感情！对唔住啊大家！辜负左你地既心意！我希望到我真正可以放低果日，会得到大家既祝福！！！俾d时间我啦！

    讲翻件开心既事啦！今日邓主任同我讲，果件事终于解决左了，终于都系近期比较好既一个消息！知道妈咪为左呢件事操左好多心，我以后会好好努力，唔会辜负距既期望架啦！  

    呢排好忙，上左初三都无停过，觉得自己严重处于亚健康状态！点算呢？月头忙到月尾！妈咪又要我准备考公务员喔，晕低了！不过点都要加油架啦，努力！Rainie，你得既！

    好了，今晚仲要改卷啊，唔写了，see you！

    又好耐都无写blog了，我发现每到月头，我就开始忙到气咳，成日都有种做到晕坨坨既感觉，个pat pat一日都坐唔到张凳半个钟，真系烦啊！玉明话我依家一个人既wordload等于人地三个人既，唔做死我就怪了！但我就得120蚊甘大把！唉！  月头开始计工资，之后就系月考，改卷，入分......不知不觉就到左月底，以为可以得闲几日，点知总会有第样野来烦你，于是一个月无几日系得闲既！周而复始，做到我有气无订抖......

    今日监考语文既时候，真系好想训觉！觉得自己既意识已经唔到我控制了！无聊之下就睇下份语文卷，个作文题目令我几有感触，叫做“有时，我也想......”。可能衰人有时都想做一次正义使者，有时好人都想做下衰人......而我自己呢？我有时都想唔洗上班，想可以偷懒，想有个人俾我依靠，想有个人可以系身边支持我，想有个人锡我......但呢d有时只系空想，唔会实现！  

    唉！我真系累了，或者真系老了呱，心态唔系甘好！所有压力加埋一齐，令我觉得好难受！真系有时我也想痛哭一场啊！

    琴日系某人生日，本来挣扎左好耐谂住唔发信息俾距了，结果都系发左！我个心有时仲会觉得隐隐所痛，尤其系夜深人静既时候，但毕竟呢一切已经过左去了，等时间将距冲淡啦！可以既话，我希望自己可以同距做到朋友，毕竟小学同学既感情都系好既，无谓搞到大家甘尴尬。最后我都系发左好简单既四个字俾距，希望距收到我既祝福啦！

    唔写了，要去晚修了，8！

    好耐都无写过blog了！唔知点解，呢排真系好唔愿意开blog，每次都觉得个心有种隐隐作痛既感觉！硬系觉得有咩压住个心甘！  可能因为之前发生左太多野了，呢度系记录呢一切既地方，所以感觉特别奇怪吧！不过发生左就系发生左，我已经学识点样去面对了！时间可以帮我冲淡一切......

    国庆放得两日，觉得好唔够！学校真系无人性啊！不过果两日我full晒，d行程都拍得好满。系近排觉得最充实，最唔会觉得空虚寂寞既两日了，有朋友既感觉真系好！我真系好耐都无玩过开心过了！希望以后都可以间中俾自己放纵下啦！起码果日系我甘大个女第一次半夜2点几先翻屋企啊！哈哈！  

    轩仔准备开演唱会啦，好想去睇，唔知就唔就到时间呢？有无人有兴趣一齐去啊？

    听日妈咪距地入来BBQ，希望天气好d啦！88

    最近唔知系因为天气既原因定系自己睇开左，心情好左好多！  不过觉得好累好累！感情既野我已经唔再去谂了，但系工作上既野唔谂唔得！唉......

    人地国庆黄金周就放假7日，超级happy！我就等于一日都无得放，真系惨无人道啊！！！我国庆放两日，但系就等于平时两个星期日既假系果两日放，国庆一日都无放到，仲搞到我地系“人地”放假前后都分别上足9日课，死唔死？简直就系疲劳轰炸我啊！我真系觉得好累好累！！！   

    我好想去散下心，起码去玩下又好，去放松下又好，因为我真系发现自己好耐都无开心过了！街，我谂几个月都无行过了！上初三真系非一般既压力啊！但我知道我一定要承受得住，因为依家先系岩岩开始！如果我甘快就疲惫，甘之后既日子我就会好难捱了......

    今年我咩都唔想谂，就希望可以带好呢届学生，其他野，随缘啦......

    今日心情舒服左好多！唔知点解，虽然今日系度删晒所有关于我地既野既时候，我个心好痛，我忍唔住流眼泪了！谂起以前发生既一切，真系觉得历历在目！但过去既始终系过去既，唔想再去谂了！伤口总有一日会好翻既！当我恨下心来删野既时候，就系结束既时候了！2008年9月23号！我要永远记住我曾经蠢过，以后唔会再俾自己犯同样既错误了！  

    今晚打台风，于是停晚修，真系觉得好爽！希望听日都会停课啦！！！虽然今日系度落雨，我应该挂雨天娃娃，但我心情系晴天娃娃啊！！！

    等左三个几月，终于有个ending了！琴晚成晚无训，系度回忆我地既爱情，有开心既，有唔开心既，冷静过，激动过，喊过之后，我觉得今日我真系可以完全放低呢个足足令我痛苦左3个几月既人了！  

    我承认琴日我情绪一度失控到觉得自己真系好白痴，咩都做唔到！但当我地倾完之后，我发现距唔再系我要等果个人了！每个人都会变，只系速度唔一样！但我恨我醒得太迟，令屋企人担心左甘耐，对唔住！希望依家醒会对将来有帮助啦！  

    虽然琴晚无训，但今日唔觉得太累！可能觉得个心轻左呱！一早起身，我就将以前我唔舍得删既相，同距有关既一切都删晒！我唔肯定我以后见到距仲会唔会心痛，不过我希望我可以同距做翻朋友，因为毕竟我无权阻止一切发生，无理由以后同学聚会都唔见，老死不相往来架！系米?   

    系时候讲声俾妈咪知我既决定了！费事距再担心我！好！我要全力出击，将所有精力放系事业上面，奋斗！奋斗！奋斗！

    今日好热，热到我个人晕坨坨甘，成日个身都无干过，好惨！

    仲有两日，我俾自己最后既限期系两日！其实今日我突然间问左自己一个问题，距凭咩令到我甘呢？距有咩令到我甘爱距呢？距又对我唔好！我觉得自己好傻，但我既答案竟然系——我唔知道！可能感情真系唔可以用理智去解释呱！  

    唔知点解，甘多人都记得琴日考完司考，所以今日系qq，人地同我讲最多既说话就系“琴日考完司考了喔，距有无稳你啊？你地有无好好倾下啊？”我既答案当然系否定架啦，不过我都觉得好尴尬！连无关紧要既人都知道问我，无理由距提都唔提架，唔通真系倾都唔想倾？唉！不过我都谂通了，其实过左甘耐，系我自己蠢姐，人地早就放低左了！曾经有一日我发梦，我梦到距考完司考之后走左来南沙稳我......呢个梦永远都只系梦！  

    今日妈咪又问我同样既问题，可能距知道我一直唔肯接受其他人系为左距，知道我仲爱距呱，所以距叫我好好甘同距倾下，就算无结果，都叫做好来好去，同埋俾翻d野距！其实我知道都系借口姐，我唔想再系自己既伤口撒盐了！我都唔想再为呢样野又一次令到自己做唔到野，成个人好似魂不附体甘，于是我干脆主动稳距，问距几时拿翻d野，以后大家无拖无欠！系同学聚会上面见到咯，米打个招呼问候声咯，其他野，我真系无能为力了！  

    每次提起呢样野我都会默默甘流眼泪，但我话俾自己知，今次要系最后一次！过去既就由距过去啦......

    今日，某人终于考完试了，唔知距考成点呢？今晚点庆祝呢？唔知距之后会唔会稳我呢？唔知距几时会稳我呢？唔知......唔知......  

    琴晚两点几先训，因为唔知点解，心情好乱！今朝一早就醒左了，所以搞到个人好累！今日爸爸妈妈入左来睇我，拿左好多野来俾我，觉得自己好幸福！包括依家用紧既新键盘都系爸爸帮我买入来既，或者真系旧既唔去新既唔来啦！今日同妈咪倾计无意间提到某人，原来我妈都记得距今日考完试，竟然主动同我讲！唉！我已经尽量回避呢个问题啦架，距偏要提......  不过可能人地考完试都唔会再稳我呢！

    今日宿舍终于可以睇到电视了，首先感谢家姐个电视卡，其次就系感谢奋立兄帮我地整电线，不过讲真，搞左足足三晚先搞好，真系觉得好烦！但今日终于搞掂了！爽！  

    今晚得闲既时候，我突然间有种冲动去缅怀下我同距果段已经成为过去既感情，好想睇下自己呢三个月究竟系点捱过来既，于是就系blog里面逐篇睇翻自己写既blog，原来自己系甘傻甘爱距既！我依家先明白到，原来好多野，真系唔到自己去控制......  

    放弃，因为爱太深！爱太深，才会自己没把握，要用放弃做赌注！输了，只因对方不够爱你......

    考试第一日！今日唔知距考成点呢？好想稳各种借口去问下距今日发挥得点，考得好唔好。但始终无勇气，都系无问到，因为我根本无资格无身份去问，况且好似与我无关......  

    谂起上年陪距去考试，为距打点一切...就觉得好似系无几耐之前发生既事甘！或者人地讲得岩，所有野都发展得太快啦，当你觉得你无变既时候，人地就系度变紧，系你所控制唔到既，你唯有接受......我唔能够改变我地分手呢个事实，唔能够左右我自己既心意，但起码我必须认清事实！  

    我唔知道距考完试之后会唔会稳我倾下，我都唔知如果距真系稳我倾下，我可以点做！系隐瞒自己仲爱距既事实呢？定系扮到好大方当已经过左去呢？我唔知......不过有一样野我好肯定，就系我唔会再去主动稳距！为左我既尊严！！！分开仲有4日就100日了，我唔知道距会唔会来睇翻我过去三个月写既野，我静系知道，如果系时候放手既话，我必须放手！哪怕再痛......到第100日，无论我究竟可唔可以放低呢段感情，我都唔允许自己再表现出来了，我好似于素心甘交功课既时间已经完了，无论最后及唔及格，都必须“毕业”了，由第101日开始，我既日子题目唔再系“没有你的日子——第x日”！  

    讲翻自己今日d痛苦野啦！今日中午无厘头接到校长既电话，话今晚请吃饭！当时吓到傻左，摆明唔关我事啦，做咩无厘头要去吃距餐饭姐！况且去又要做人情喔，一出手又我半个月饭钱了，真系吃左都补唔番啊！  不过无计啦，呢种饭，唔吃唔得！梗系顶硬上架啦！下午上完四节课，冲去吃饭，又冲翻学校睇晚修，累死了！点知又出事了！个变态副校长唔知边度生理失调，又稳我地班麻烦，搞到我又处理左成晚，个学生更加无辜！真系诅咒距先得！闹死距！！！  

    今个星期忙到无时间翻屋企，结果搞到爸爸妈妈听日要入来睇我，真系唔好意思啊！不过都好，我自己系度会好闷！国庆人地就有7日长假，而我地毕业班就得2日，真系太唔公平啦！下个星期开始仲要连星期日都上课，想做死人咩？？？  究竟有无人性架？果2日假期仲要一前一后分开来放，到时想翻屋企都成问题，唉...我要罢工啊！！！

    发左一轮牢骚，最终都系要为饭碗低头，真系激气啊！无计啦！人在屋檐下，不得不低头！算啦，我要继续努力！干爸爹！！！

    原来唔经唔觉，已经三个几月了，仲有两日某人就要考试了！虽然我到依家都未可以忘记呢个人，但我毕竟唔认同距抛低我，唔理我感受甘走去备考。日子越近我就越惊，我惊接受现实！毕竟我依家只系当距为左考试而丢低我，万一考试结束之后，距要稳我讲清楚，甘我应该点算呢？我真系唔知道自己应该点样面对距啊！其实我听日好想发信息去叫距考试加油，不过依家觉得我做咩都系多余既，人地根本唔会稀罕！我都系唔好自己拿来衰了！  

    之前就听讲有个小学同学明年要同距男朋友结婚，今日由距自己亲口证实，我竟然无半点邓距开心既感觉！或者我甘讲大家会觉得我好衰，但我真系距地未系时候结婚咯！个男仔之前有出轨既行为，但个女仔都原谅距了！但个女仔今日睇到我qzone既文章之后，竟然同我讲，其实距一直系度担心，唔知道原来系距身上既幸福会唔会突然间无左！我都曾经有过甘样既经历，我知道俾人背叛之后果种感觉！距呢种系完全无安全感既表现！无论你有几爱果个人，你几想去包容距所有既一切，但发生过就系发生过，你个心里面永远都会有条刺架，永远都会担心距究竟几时会再背叛你，所以安全感无左就系无左......留得住距既心都留唔住距既人！我唔系话所有人都唔会变翻好，只系当距话俾我知系个男仔提出要结婚，已经去香港买埋结婚戒指之后，我更加觉得系个男仔内疚既表现！可能距只系系度弥补自己既错误。依家并唔系距地最适合结婚既时候，或者大家根本都未考虑清楚！所以我并唔系好认同呢种做法！  不过，起码个男仔算负责任既，希望距地结婚之后，个男仔对我同学好d啦！唉！有时感情既野真系唔到我地去控制！顺其自然啦！衷心祝福距地有个美好既将来！    

    我呢排好忙，搞到对屋企人既态度唔系甘好，有时距地打电话俾我，我都唔得闲同距地倾多两句！觉得自己真系好对距地唔住！今日突然间发觉原来妈咪已经三日无打过电话俾我了，觉得好唔惯好挂住距！于是我就打电话俾妈咪！原来妈咪连续三日都早出晚归做野！我突然间觉得好心酸！，妈咪都老了，系时候我照顾屋企而唔再系距地照顾我了！仲做野搞到甘辛苦，真系觉得好心痛！尤其是依家带毕业班，周末成日都翻唔到屋企，要距地入来睇我，每次都拿好多野入来俾我，我真系好唔好意思啊！希望我可以凭自己努力，尽快调返去啦！妈咪，我爱你！  

    我发现我最近写blog都系系度发牢骚，唔知我几时会变左个阿婆呢？可能系平时自己一个人系度，无人同我倾计既关系吧！不过我觉得我已经开始习惯一个人既生活，其实都无咩唔好啊，起码活得自在！

    虽然我唔知道我听日最终会唔会有勇气发信息俾距，但我想系度先同距讲声：“考试加油啊！我精神上支持你！你得架！等你好消息！”