一刻宁静，一片天空！

    仲有唔够两个钟，我就又大一岁了！人人话本命年都好黑仔，我都唔知可以点样形容我呢年所发生既野了！  

    今晚同“阿哥”倾左几个钟电话，虽然有一排无联系了，但始终距系了解我既！大家都变左好多，工作环境，生活环境，唯一无变既系对大家既果份关心。我地无所不谈，工作，事业，爱情，家庭......我觉得同距倾计真系好舒服，因为好耐都无人甘样听过我讲野了！距知道我唔开心，就专登系深圳打长途俾我，静系呢分心意，就已经唔话得啦！好多谢你啊！哥！

    见到距依家工作顺利，又有前途，我都邓距开心！而且距爱情事业两得意，同我嫂又几稳定，真系羡慕死人了！希望距以后既人生路都可以行得顺啦！衷心祝福距！  

    依家d真心朋友真系买少见少了，又有几多个系真系会关心你架！突然间发觉呢个世界上既好男人都好似死晒甘，如果唔系我又点会一个都遇唔到呢？不过阿哥讲得岩既，俾个机会人，俾个机会自己，既然有d野挽留唔到，就唔好再去谂了，总会遇到真命天子既！我要加油！  

    好唔想听日既到来啊！唔知点解，硬系觉得唔知点既！无feel！就唔想过生日！因为人人都想我开心，但我其实系唔开心既！我唔想因为甘样而去强颜欢笑！厄到人都厄唔到自己！唉......  

    唉，都唔到我控制了，算啦！同自己讲声——生日快乐！真系希望自己会开心！！！