傻瓜1234号屋企

    今晚终于都整到图片上来了！都唔知前两日d网络搞咩！唔爽！

    呢几日大家关心既都系四川大地震！地震发生已经有两日了，但救缓工作依然系度进行紧，依家仲未可以知道确切既死亡人数同埋损失！唉！有时天灾人祸既野只能够令我地叹一句奈何......  

    今日学校组织我地老师捐款，本来打算捐200既，点知自己又无甘多cash！最后只系捐左100！不过距地话，只要有心就好，无所谓既！希望我既一点心意可以帮助到d灾民啦！除左捐钱，我地真系咩都帮唔到手了！  

    发现自己最近真系黑左好多，南沙d紫外线真系无人能比啊！无论我做几好既防晒措施，依然“黑过墨斗”！究竟几时先会白翻呢我？有咩有效既防晒措施呢？？我唔要变黑炭头啊！！！  

    呢几日学校好多野做！我发觉中国d形式主义真系假到不得了啊！我受够了！学校唔知又要搞咩评比，无厘头要我地所有老师补翻过去几年既教案，仲要搞好多咩表格啊，展览啊，活动啊......全部都系为左应付检查，结果就做到我地班老师趴系度！你话啊！不如等我地放多d时间系教学上面好过啦！

    我仲奇怪！除左人地做既我要做之外，人地唔系做既我都要做！堂堂一个英语老师，竟然俾人分配去每日带第九节既兴趣小组！带兴趣小组都算啦，竟然要我教跳绳！你话系米发神经啊？  学校都唔知系米有病架！我话我唔识上课既时候，某领导竟然话“甘你识唔识跳绳啊？识米得咯......”我真系无话可说了！

    最唔愤气就系，学校竟然点我去搞档案d野！明明系办公室d唔带课既老师做架嘛，而且年年都系甘架啦，有咩理由今年要我去做姐？离晒普架！我忙又忙过人，工资又少过人！心理唔平衡啊！！！就来癫啦！  

    呢两日最困扰我既都系妈咪叫我考虑既“出外发展”问题！其实去就为以后，唔去都有好处！总之就有利有弊！但我就觉得太多不稳定因素了，好似系度赌紧自己既将来甘！有d恐怖！所以根本就唔知自己想点！边个可以指条路我行呢？  

    呢排真系好累！好想好好甘休息下！如果下学期真系带初三，我谂我残多几年添啊！依家谂谂下，都系唔想跟上去了！某领导又听讲好变态既！唉！不过一切都唔到我决定！顺其自然啦！不过如果唔洗带初三，我就已经计划好我今个假期要做咩架啦！一系报名学车啦，二系打工赚下外快啦，三系学下做家庭主妇啦......都几多野忙架！哈哈！

    最后，希望殷可以快d稳到屋，脱离机王既毒害啦！